معانا اون لاين

معانا اون لاين

منتديات معانا اون لاين تحميل العاب وبرامج مجانيه ,افلام,اغاني,ثيمات,جوال,برامج,اسلاميات,العاب,سوفت وير,هارد وير,هاكر,برامج,صور فنانين,رمضان كريم,Free games, free programs, movies, songs, themes, Mobile, Software, Islamic, games, software, Hard ware, hacke
 
الرئيسيةالبوابةس .و .جبحـثالتسجيلدخول

شاطر | 
 

 امتحان السفارة المصرية للحصول عل الجنسية

اذهب الى الأسفل 
كاتب الموضوعرسالة
sp!der m@n
الادارة
الادارة
avatar

عدد الرسائل : 312
العمر : 24
الجنس :
العمل :
الهواية :
المزاج :
الدولة :
نقاط العضو :
100 / 100100 / 100

تاريخ التسجيل : 25/09/2008
الاوسمة :

مُساهمةموضوع: امتحان السفارة المصرية للحصول عل الجنسية   السبت أكتوبر 04, 2008 3:43 am

صباح الفل حبايبي الأعزاء
يشترط لدخول الامتحان ان المتقدم يكون معاه كل أدواته اللازمة :
قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)



السؤال الأول:اختار من بين الأقواس الكلام الصح:

1- حنان ترك اتحجبت يعني............ (لبست جزمة - لبست ساعة - لبست ايشارب)

2- اللي بنى هرم خوفو............ (طلعت مصطفى - المقاولون العرب - مقاول أنفار - خوفو)

3- اللي بنى..بنى مصر كان في الأصل......(حلاق - نجار - تاجر مخدرات - صلاح - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر)

5 - مصر هى أمي نيلها جوا...........(عبي - بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك – و حياة أمك جمال مبارك - كل ما سبق)



السؤال الثاني:أكمل الجمل الآتية بكلام م الآخر:

1- انتبه من فضلك السيارة ترجع إلى............ ......... ...

2- ماما زمنها............ .....

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..


السؤال الثالث:ضع علامة صح أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- أذان المغرب في رمضان بصوت "طارق نور" ( )

4- شاي الجوهرة حتة سكرة ( )

5- يحكم مصر النظام الملكي ( )


------------------------------------------
تير بتتميز بيها بلدنا .. منها اللي يزعل ومنها اللي يقهر .. ومنها اللي يشرح القلب .. وتشتاقله لو روحت فين .. زي طبق الفوووول المعمر اللي لازم أي بلد يحل فيها المصريين .. يحل معهم هذا الحارس الخاص وهذا المضاد الحيوي .. وتفتح المحلات والمطاعم لتلبية طلب المصريين في لندن والسعودية وأمريكا وبلاد الفرنجة فرنسا حاليا .. وإليكم بعض هذه المشاهد الحصرية.

* لم يذكر السجن في القران الكريم إلا في مصر (في سورة يوسف )
*في مصر فقط .. الأموات ينفقون علي الأحياء "الفراعنة والأهرامات والذي منه"
*في مصر فقط .. تجد شخصا أقل منك في المستوي العلمي وحصل علي 50% فقط في الثانوية العامة .. ولكنه يتنطط عليك أو بالبلدي يركب ويدلل رجليه لأنه ببساطة دخل بيهم شرطة .. اللي في خدمة قفا الشعب.
*في مصر فقط .. ينمو نبات البردي وورد النيل والجرجير والخبيزة والليف - حتة ثقافة -
*في مصر فقط .. توجد السلعوة وهي "مسخ" ناتج عن تزاوج الكلاب الضالة في جو العاصمة الملوث - حتة جيولوجيا -
*في مصر فقط .. تأكل الحواوشي والشكشوكة والكشك الأسيوطي والملوخية بالأرانب والمسقعة والكشري ومحشي الكرنب وطاجن العكاوي والكبدة الاسكندراني .. آه نسيت .. والفووووووووووووووووول اللي مش سوداني.
*في مصر فقط .. تعبر الكلاب الشوارع بطريقة أشبه بالتي يعبر بها الآدميون .. تقف الكلاب علي جانب الطريق تنظر يمينا ويسارا حتى تعبر في أمان .. وليت البشر عندنا يعبرون بالطريقة نفسها ينجون مثل الكلاب .. ولكن المواطن المصري والمصري فقط يجب أن يعبر الشارع كطائر البطريق أو البط البلدي.
*في مصر فقط .. يمتلك المواطن بالوقت والممارسة مهارات خاصة في ركوب الأتوبيسات المسرعة والتسلل إلي العمق أو الوقوف بأطراف أصابع القدم علي أخر درجة في السلم "اطلع من علي الباب يا فندي العربية فاضية أدام" .. طبعا ربنا ما يوريك بقى لو كانت مليانه.
* في مصر فقط .. تنشب الصداقة سريعا وفي اقل من ثوان في إشارة المرور أو في مصلحة حكومية أو في الأسانسير أو حتى في طابور العيش.
* في مصر فقط .. تجد منطقة سكنية بكاملها (سارقة كهربا ) مثل عزبة الهجانة - حتة تعداد سكاني -
* في مصر فقط .. ملك فرعوني بني لنفسه تمثالا ضخما لا تشرق الشمس علي وجهه إلا مرتين في السنة مرة يوم عيد تتويجه ملكا ومرة يوم عيد ميلاده هو شخصيا .. "صبح .. صبح .. يا عم الحاج"
* في مصر فقط .. وزير ( يسرطن ) الشعب ثم يرشحه الحزب الحاكم في انتخابات مجلس الشعب .. بس مش أي شعب .. ده شعب على أبوه.
* في مصر فقط .. ينادي وزير التعليم بإلغاء مجانية التعليم.
* في مصر فقط .. يتم إنفاق ملايين الجنيهات من أجل الحصول علي "صفر كبير" أمام العالم .. كانوا خايفين ياخدوا درجة بالسالب .. بجد الصفر أرحم.
* في مصر فقط .. يقدم الكشري ساخنا في أكياس بلاستيكية شفافة.
* في مصر فقط .. ادفع وبعدين اشتكي - لتحصيل أولا -
* في مصر فقط .. الاختيارات السياسية المتاحة أمام المواطن هي التصويت بـ "نعم " او "لا"
* في مصر فقط .. تم القضاء نهائيا علي ظاهرة "إدمان الهيروين" بعد أن أصبح "البانجو" في متناول الجميع .. ولم يعد لكوكو الضعيف (السجائر الغير محشية) الشعبية السابقة بين الناس.
* في مصر فقط .. رئيس حزب لازال مرتديا الطربوش حتى الآن.
*في مصر فقط .. لا يتم وضع الملصقات إلا تحت لافتة "ممنوع لصق الإعلانات"
* في مصر فقط .. لا يمتلك المواطنون زيا رسميا موحدا ويصعب أن تعرف المصري من مجرد ملابسه ( إلا لو كان لابس تي شيرت مكتوب عليه بالأخضر "فكر جديد")
*في مصر فقط .. يوجد نوع من المسكنات علي هيئة مصطلحات يتم تقديمها للشعب بجرعات مكثفة مثل ( الشفافية) ,( التمثيل المشرف) , ( إشادة البنك الدولي بمصر),( أهمية الدور الذي يلعبه شباب النيل .. جيل المستقبل).
أخيرا فإن ما يوجد في مصر فقط وحصريا على أرض الواقع أكثر بكثير مما نستطيع حصره في مجرد سطور .. ولكننا نقولها وبكل شاعرية ودراماتيكية وحنية:"عظيمة يا مصر يا أرض النعم



:sm40: :sm40: :sm40: :sm40: :sm40: :sm40:
الرجوع الى أعلى الصفحة اذهب الى الأسفل
 
امتحان السفارة المصرية للحصول عل الجنسية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
معانا اون لاين :: الاقسام العامه l الرومانسيه l العياده الطبيه | General Discussion :: السياسة | Politics-
انتقل الى:  
أفضل 10 أعضاء في هذا المنتدى
sp!der m@n - 312
 
MR.EGYPT - 238
 
hager star - 211
 
s.s - 100
 
Sona - 93
 
the lord - 57
 
the master - 33
 
shemisko - 30
 
lovly loma - 23
 
Abd El-Rahman Atia - 22
 
سحابة الكلمات الدلالية
Powered by sp!der m@n & MR.EGYPT® Version phpBB2 , Copyright ©2008 - 2012

جميع المشاركات المنشورة فى المنتدى لا تعبر عن وجه نظر الإدارة
Please dont post any copyrighted materials like cracks , serials , nulled products .. ETC